Amosando publicacións coa etiqueta Inicio. Amosar todas as publicacións
Amosando publicacións coa etiqueta Inicio. Amosar todas as publicacións

xoves, 20 de marzo de 2025

RESULTADO DO CONCURSO DE CARTEIS DO 8M

Este é o cartel gañador do Concurso de carteis do 8M 2025 no CIFP A Farixa. Parabéns a Mónica Iglesias López, alumna de 2º de Proxectos de Edificación e moitas grazas a todas as persoas participantes.

                                    Cartel gañador de Mónica Iglesias López, alumna de 2º de Proxectos de Edificación.


Animamos, dende aquí, ao alumnado que está en primeiro, a participar o curso que vén. E lembramos tamén que os rapaces poden concursar. 


martes, 25 de febreiro de 2025

LINGUA DE NAMORAR 2025

Escribe unha mensaxe de amor en galego, en prosa ou en verso, sen pasar dos 350 caracteres (letras, espazos en branco e signos de puntuación) para as categorías A e B, e 200 caracteres para a categoría C.
Entre os premios hai tabletas, altofalantes e auriculares Bluetooth. A data límite é o 15 de marzo.

Anímate!!


 BASES

luns, 24 de febreiro de 2025

188º ANIVERSARIO DO NACEMENTO DE ROSALÍA DE CASTRO

O 23 de febreiro celebramos o aniversario do nacemento da escritora compostelá Rosalía de Castro, figura emblemática do Rexurdimento Galego e precursora da poesía española moderna. 

É por iso que vos deixamos aquí unha ligazón á súa obra Cantares Gallegos, considerada a primeira gran obra da literatura galega contemporánea, na Biblioteca Virtual Miguel de Cervantes. Desfrutádea!


CANTARES GALLEGOS (LIGAZÓN) 

mércores, 19 de febreiro de 2025

CONCURSO AS COUSAS DO CASTELAO

Escribe un máximo de 200 palabras en galego acompañadas dun debuxo ao estilo das Cousas de Castelao. Podes facer unha reflexión sobre a vida, falar da nosa cultura ou facer crítica social. Envía os teus traballo a cousasdocastelao@gmail.com. O prazo para o evnío das obras remata o 30 de marzo. 



 

OITAVO CONCURSO DE MICRORRELATOS

DOMINIO PUNTOGAL e A REAL ACADEMIA GALEGA organizan conxuntamente un concurso de microrrelatos que ten como obxectivo reforzar a presenza da lingua e da identidade propias no mundo dixital.

Escribe un relato de máximo 200 palabras en lingua galega e súbeo á web relatos.gal. Podes enviar un máximo de dous relatos e o tema é libre.

Hai tres categorías (infantil, xuvenil e adultos) con premios moi interesantes.  

Tes até o 28 de febreiro para enviar os teus relatos. 

ANÍMATE!!


venres, 7 de febreiro de 2025

CONCURSO-KAHOOT SOBRE CASTELAO.

Neste 2025 conmemoramos o 75 aniversario do pasamento de Alfonso Daniel Rodríguez Castelao, político e artista multidisciplinar nacido en Rianxo que foi considerado a gran figura intelectual, política e histórica no nacionalismo antifascista galego. E para lembrar a súa figura no CIFP A Farixa imos ter unha exposición con algúns dos seus debuxos máis notables e con información relevante sobra a vida e obra do autor. Pero, ademais disto, teremos un concurso-kahoot sobre a vida e a obra do autor, que se celebrará no recreo do día 11 de marzo de 2025 e cuxas bases che paso a presentar:


  • Esta é unha actividade aberta a toda a comunidade educativa.

  • Celebrarase no recreo no salón de actos.

  • Tes que traer o teu teléfono móbil.

  • A persoa que máis acertos teña no kahoot será a gañadora.

  • En caso de empate, o coordinador do EDLG do CIFP A Farixa formulará unha serie de preguntas ás/aos participantes que empataran até desfacer o empate. Tamén se ofrecerá a posibilidade de compartir o premio se non quixeran desempatar.

  • O premio consiste nun vale de 50€ a gastar nun dos provedores do centro. 





En Ourense, a 7 de febreiro de 2025.


O coordinador do EDLG. Diego Bustillo de la Fuente. 


ENTROIDO 2025 NO CIFP A FARIXA!!!

Xa vén aí o entroido 2025 e na Farixa gustaríanos que te disfraces e sigas os mandados do meco. Anímaste? Haberá un premio para o mellor disfrace!!




xoves, 30 de xaneiro de 2025

AXUDAS PARA O AUDIOVISUAL GALEGO 2025

A convocatoria anual de subvencións da Xunta á creación audiovisual para a promoción do talento galego neste sector conta en 2025 cunha dotación de 176.000 euros para 11 novas curtas e longametraxes en versión orixinal galega. Segundo as bases publicadas no Diario Oficial de Galicia, con esta contía contribuirase á realización de seis novas curtametraxess con 8.000 euros por proxecto, á posprodución de dúas curtas, con 4.000 euros en cada caso, e á produción de tres longametraxes de dirección novel, con 40.000 euros por filme.

Trátase dunha das liñas de axudas máis lonxevas das que se convocan no seu ámbito a nivel autonómico coa finalidade de favorecer a incorporación da nova creación ao sector profesional. A través delas, búscase dinamizar a xeración de propostas narrativas de especial valor cinematográfico e o enriquecemento cultural de Galicia mediante as distintas formas de expresión audiovisual, ao tempo que se facilita a súa función como instrumento para a promoción da lingua galega.

Para a súa concesión, en réxime de concorrencia competitiva, teranse en conta criterios relacionados coa calidade e creatividade dos proxectos, a viabilidade cinematográfica ou a contribución cultural no ámbito de Galicia. No caso das propostas de posprodución de curtas e de produción de longametraxes, valorarase tamén o potencial de circulación das películas, así como o seu plan de lanzamento e de difusión.

Estas subvencións, que poden solicitarse ata o 24 de febreiro, enmárcanse no programa anual de axudas ao sector que xestiona a Consellería de Cultura, Lingua e Xuventude e que abrangue as diferentes fases do proceso audiovisual: desde o xermolo dos proxectos ata a súa chegada ás pantallas, pasando pola produción, rodaxe, difusión ou comercialización.

XXVII Premio de Novela Manuel García Barros (Ken Keirades)


O Concello da Estrada, en colaboración coa Consellería de Cultura, Lingua e Xuventude a través da Secretaría Xeral da Lingua, e a Editorial Galaxia, convoca o XXVII premio de Novela Manuel García Barros, cunha dotación económica de 9 000 euros.


Poderán concorrer ao premio autoras e autores que presenten orixinais escritos en lingua galega, agás os gañadores das últimas 5 edicións.


O prazo de presentación de orixinais remata o 31 de xaneiro de 2025.

XXIX Edición do Premio de Poesía Avelina Valladares

 


O Concello da Estrada convoca a XXIX Edición do Premio de Poesía Avelina Valladares co obxectivo de promover o traballo de novos autores e autoras no eido da poesía.

O prazo de presentación de orixinais remata o 31 de xaneiro de 2025.

xoves, 16 de xaneiro de 2025

V PREMIO ALBERTE QUIÑOI DE ÁLBUM ILUSTRADO

O Concello da Estrada, co apoio da Secretaría Xeral da Lingua da Xunta de Galicia e a colaboración da Editorial Galaxia, convoca o Premio Alberte Quiñoi de Álbum Ilustrado.

Poden participar todas as obras ilustradas de tema libre, inéditas en calquera medio ou soporte, dirixidas ao público infantil.

O prazo de admisión de orixinais rematará o 31 de xaneiro de 2025.




 BASES

martes, 12 de novembro de 2024

TÍRALLE DA LINGUA


tíralle da lingua 

YOUTUBEIRAS + 2024


Neste nova edición (a oitava!), os Premios Youtubeiras traen novidades: renacen como Premios Youtubeirasao abrir a participación ás persoas creadoras de contidos en galego en TikTok e hai novas categorías de premios!

Os premios, cuxas bases están publicadas aquí, repartirán 7500 euros entre as persoas gañadoras de sete categorías: canle de YouTube, canle de TikTok, creación de contidos, revelación, calidade lingüística, rede e premio do público. O prazo de inscrición está aberto até ás 23.59 horas do 15 de novembro e faise a través deste formulario.

Para o Premio do Público, calquera poderá presentar suxestións a través deste formulario até o 15 de novembro. Ninguén poderá propor como candidatos os seus propios vídeos. Con todas as candidaturas recibidas crearase un formulario de votación que se difundirá polas redes sociais de Youtubeiras+ e estará habilitado do 25 de novembro ao 5 de decembro. 

YOUTUBEIRAS+ 2024

martes, 22 de outubro de 2024

CELEBRA O SAMAÍN NO CIFP A FARIXA!!

Este curso temos varias actividades para celebrar o Samaín e seguro que algunha é do teu interese. 

Gústache escribir? Apúntate ao concurso de Microrrelatos Terroríficos.

Tes voz radiofónica? Entón o teu é o concurso de Podcast.

Es máis de facer manualidades? Anótate ao concurso de decoración de cabazos ou decora a porta da túa aula.


Todos os concursos teñen premios e podes atopar as bases nos códigos QR do cartel.e nas ligazóns a seguir:




xoves, 27 de xuño de 2024

Convocatoria Mostra Creativa

Se es creativo e queres mostrar o teu talento en vivo, a Mostra Creativa é para ti. Exhibe o teu proxecto artístico de música ou artes performativas en vivo en calquera disciplina (circo, danza, poesía, pintura…)

Temos un lugar para exhibir o teu talento o día 20 de xullo, na ponte internacional de Tui-Valença, no marco do festival. Un espazo animado para poñer en valor a creatividade e o emprendemento do talento galego e portugués.

A organización do IKFEM fará unha selección dos proxectos presentados para a demostración en vivo. Darase prioridade ás propostas dos creadores do territorio da Eurociudad Tui-Valença.

Ademais, a AECT Galicia- Norte de Portugal outorgará o recoñecemento “Talento Eurorrexión 2024” ao mellor proxecto.

Convocatoria Mostra Creativa

mércores, 29 de maio de 2024

Curso de Verán. Humanidades Dixitais: recursos, ferramentas e servizos

O Curso de Verán. Humanidades Dixitais: recursos, ferramentas e servizos, organizado polo Instituto da Lingua Galega (ILG) e polo Centro Singular de Investigación en Tecnoloxías Intelixentes (CITIUS) da Universidade de Santiago de Compostela, terá lugar entre o 15 e o 18 de xullo.

Este curso proporcionaralle ao alumnado os contidos e competencias necesarios para a posta en marcha ou para a participación en proxectos de innovación dixital no ámbito das Humanidades e das Ciencias Sociais. Asemade, permitiralle achegarse a diferentes proxectos de Humanidades Dixitais, particularmente aos desenvolvidos en Galicia, así como coñecer as infraestruturas dixitais de investigación DARIAH e CLARIN.

O prazo de matrícula está aberto desde o 15 de maio até o 5 de xullo. Pode consultarse tanto a información relativa á matrícula coma o programa na páxina do evento.



xoves, 2 de maio de 2024

aRi(t)mar Galiza e Portugal

Até o 13 de maio está aberto o prazo para as votacións en liña á mellor poesía galega e portuguesa do ano 2023.




VOTA XA!!

Xogos tradicionais galegos

O Observatorio do Patrimonio Lúdico, co apoio do Consello da Cultura Galega, ofrécenos unha aplicación sobre os xogos tradicionais, que ten tamén a correspondente versión web; unha ferramenta de interese para o alumnado, para as familias e para o profesorado, que permite incorporar os ancestrais xogos da nosa cultura ao acervo familiar, para consultala con facilidade no interior e no exterior, no rural e no urbano, e que aposta polas tecnoloxías dixitais como canles para preservar, desenvolver e gañar públicos para a cultura e a lingua galegas.
APP
WEB





venres, 19 de abril de 2024

SEMINARIO GALÁN. LETRAS GALEGAS 2024

Este ano o Días das Letras Galegas vai dedicado a Luísa Villalta, e dende o Seminario Galán ofrécennos toda unha serie de recursos do máis variado para aprender sobre a autora coruñesa.


xoves, 18 de abril de 2024

XII CERTAME DE MICRORRELATOS FEIRACO. LETRAS GALEGAS 2024.

Tedes até o 18 de maio para escribir o voso relato, que non pode pasar das 500 verbas e debe comezar coa frase "púxenme a escoitar". A temática do relato é libre. Os tres mellores relatos nas categorías de menores e de maiores de idade levarán premios.



 

+INFO E BASES