A Asemblea de Mulleres do STEG pon á vosa disposición este podcast no que atoparas á Begoña Caamaño xornalista, á activista e á escritora.
Amosando publicacións coa etiqueta Día das letras Galegas. Amosar todas as publicacións
Amosando publicacións coa etiqueta Día das letras Galegas. Amosar todas as publicacións
luns, 11 de maio de 2026
xoves, 18 de abril de 2024
XII CERTAME DE MICRORRELATOS FEIRACO. LETRAS GALEGAS 2024.
Tedes até o 18 de maio para escribir o voso relato, que non pode pasar das 500 verbas e debe comezar coa frase "púxenme a escoitar". A temática do relato é libre. Os tres mellores relatos nas categorías de menores e de maiores de idade levarán premios.
+INFO E BASES
mércores, 10 de maio de 2023
GRAN KAHOOT SOBRE FRANCISCO FERNÁNDEZ DEL RIEGO. LETRAS GALEGAS 2023.
A semana que vén celebramos o Día das Letras Galegas, e nesta 60ª edición o autor homenaxeado é Francisco Fernández del Riego.
Para celebrar esta data sinalada convidámoste a participar no gran Kahoot sobre Don Paco que terá lugar o vindeiro xoves, 18 de maio, no salón de actos do Cifp A Farixa.
Todas as respostas a estas preguntas están nos carteis que levan unha semana expostos diante da entrada da cafetaría. Bótalles un ollo.
Anímate!!
mércores, 12 de maio de 2021
Xela Arias. Letras Galegas 2021.
Este ano dedicamos o Día das Letras Galegas a Xela Arias Castaño, e con tal motivo, dende Dinamiza Farixa (EDLG), estamos facendo unha serie de actividades para honrar á escritora de Sarria.
Deixámosche por aquí información sobre as actividades que estamos a facer para que coñezas mellor a Xela:
- Exposición virtual de Xulio Gil. Podes ver esta exposición no facebook de dinamizafarixa (aínda que non teñas facebook).
- Musicando a Xela: podes escoitar "Intempériome", o novo tema de "A banda da loba", no Spotify de dinamizafarixa, na lista colaborativa "Na Farixa, en Galego!". Se prefires ver o vídeo, aquí tes a ligazón: Intempériome (A banda da loba).
- Exposición divulgativa sobre Xela Arias no patio cuberto, diante da cafetaría do CIFP A Farixa, a semana do 17 ao 21 de maio.
- Concurso sobre Xela Arias a través de Kahoot. (Le mañá todos os detalles no facebook de dinamizafarixa).
- Ademais, dende dinamizafarixa, convidámoste a que pases pola biblioteca para ler uns libriños que compramos esta semana:
- Poesía reunida. Xela Arias.
- Intempériome (Edición Especial Letras Galegas 2021). Xela Arias.
- Darío a diario. Xela Arias.
xoves, 14 de maio de 2020
Día das Letras Galegas 2020
Día das Letras Galegas 2020: Carvalho Calero
Este resume sobre a vida e obra de Ricardo Carvalho Calero foi realizado a partir da guía elaborada polo IES Ferrol Vello de Ferrol (A Coruña): Guía didáctica Letras Galegas 2020
Vida:
Ricardo Carvalho Calero, nado como Ricardo Leopoldo Ángel José Gerardo Carballo Calero no Ferrol o 30 de outubro de 1910, é unha das persoas máis sobranceiras do século XX galego, como demostran as súas numerosas publicacións literarias de todos os xéneros, os seus estudos sobre a lingua e a literatura e a súa implicación nas principais iniciativas culturais do galeguismo no século XX. |
| Coa súa dona, María Ignacia Ramos, coa que casou en 1933 |
 |
| Carvalho Calero (dereita), con Cunqueiro e Fernández del Riego en Santiago de Compostela |
Ricardo Carvalho Calero participou activamente na vida política e cultural de
preguerra, así como na defensa da II República. Foi cofundador do Partido Galeguista
e tivo un papel destacado na campaña a prol do Estatuto de Autonomía.
Ricardo Carvalho Calero residiu en diferentes cidades galegas e en todas deixou a
súa pegada. Ademais, durante a súa época de soldado viviu noutras zonas da
Península como Madrid, Valencia ou Andalucía.
Ricardo Carvalho Calero, como outros integrantes do movemento galeguista de
preguerra, sufriu a represión do franquismo. Estivo dous anos na cadea (mais nun
principio condenárano a doce anos e un día), en Xaén, por defender o sistema
republicano e pertencer ao movemento galeguista.
De 1950 a 1965, Carvalho é conselleiro delegado do Colexio Fingoi, un centro privado en Lugo cunha metodoloxía innovadora, na liña da Escola Nova e da Institución Libre de
Ensinanza, mixto, sen libros de texto, situado nunha contorna rural onde os alumnos
e as alumnas tiñan cadansúa horta e con talleres para promover a aplicación práctica
dos coñecementos na vida cotiá.
 |
| Carballo Calero cos primeiros alumnos e alumnas de Fingoi. Fonte: Colexio Fingoi |
 |
| Alumnado de Fingoi representando a adaptación d'O círculo de xiz realizada por Carballo Calero. Fonte: Colexio Fingoi |
En 1958, incorporouse á
Real Academia Galega co
discurso Contribución ao
estudo das fontes literarias
de Rosalía.
En 1965, Carvalho Calero, tras retomar as oposicións interrompidas pola guerra,
empeza a dar clase no instituto Rosalía de Castro. Paralelamente exerce a docencia
na Universidade de Santiago de Compostela, onde será o primeiro profesor de Lingua
e Literatura Galega e, desde 1972, é tamén o primeiro catedrático de Lingüística e
Literatura Galega. Nesta época, consciente da necesidade de dotar o alumnado de
manuais para a aprendizaxe, acentúase o seu labor investigador. Froito da necesidade de manuais para o estudo destas materias é a súa Gramática
elemental del gallego común (1966), que chegou a acadar sete edicións.
En 1970 e 1971, participou na redacción das primeiras normas ortográficas e
morfolóxicas do idioma galego da Real Academia Galega e en 1979 presidiu a Comisión
de Lingüística que elaborou as Normas ortográficas do idioma galego publicadas pola
Xunta de Galicia en 1980.
 |
| Recibindo o nomeamento de fillo predilecto de Ferrol |
 |
| Monumento a Carvalho Calero en Santiago de Compostela |
 |
| Caricaturas de Carvalho Calero realizadas por Siro. |
Obra:
Poesía:
A obra poética de Carvalho Calero recóllese en catro poemarios: Pretérito imperfeito
(1927-1961), Futuro condicional (1961-1980), Cantigas de amigo e outros poemas
(1980-1985) e Reticências... (1986-1989).
As dúas primeiras inclúen os volumes que Carvalho publicara nos anos anteriores
pois, na última década da súa vida, o autor revisou e reeditou gran parte da súa obra
anterior, adaptándoa á norma reintegracionista.
Carvalho Calero considerábase ante todo
poeta. Temas recorrentes na súa poesía,
extensa e variada, son a muller, a saudade da
infancia, a vellez, a guerra e a represión, a
morte, o sentido da vida e a busca do Absoluto
e da transcendencia.
Outras características son a sensualidade e o
erotismo ou a ironía e o escepticismo.
Na poesía de Carvalho son frecuentes as mencións culturais, clásicas e mitolóxicas.
A mitoloxía grega e latina será un tema recorrente na súa obra. Tamén aparece a
miúdo a recreación dos mitos bíblicos, artúricos e xermánicos.
Unha das correntes poéticas que deixaron pegada na obra de Carvalho foi o
vangardismo. Os primeiros poemas presentan influencia do hilozoísmo,
neotrobadorismo, ultraísmo e creacionismo. Nos textos da posguerrra, o influxo do
existencialismo faise evidente.
Narrativa:
Carvalho só publicou dúas novelas, moi diferentes unha da outra en moitos sentidos:
- A xente da Barreira foi a primeira novela en galego publicada na posguerra. Esta novela entronca coa tradición novelística galega de preguerra polas súas referencias ao mundo narrativo de Otero Pedrayo.
- Scorpio (1987), a segunda novela de Carvalho Calero,Premio da Crítica de narrativa galega, é considerada pola crítica como unha das mellores obras do século XX en galego. Con tintes autobiográficos, narra a vida dun mozo ferrolán que estuda no Santiago de Compospela de antes da Guerra Civil, e acaba loitando no bando republicano durante o conflicto bélico.
Booktrailer da novela Scórpio que realizaron na produtora Illa Bufarda:
Carvalho Calero escribiu outros textos
narrativos, que foron compilados no volume Narrativa completa (1984). Esta
publicación recolle, xunto coa primeira novela, revisada, os seguintes relatos: Os
señores da Pena, O lar de Clara, As pitas baixo a chúvia, Os tumbos, A cegoña e Aos
amores seródios.
Teatro:
Ensaio:
Carvalho Calero tamén foi un estudoso da lingua e literatura galega. As obras máis salientables son Historia da lireratura galega contemporánea (1963), Gramática elemental del gallego común (1966), Sobre lingua e literatura galega (1971) ou os Estudos rosalianos (1979).
Día das Letras Galegas 2020
Feiraco, en colaboración coa Secretaría Xeral de Política Lingüística, organiza o IX Certame de Relatos Breves con motivo das Letras Galegas 2020. (Bases legais)
luns, 13 de maio de 2019
DÍA DAS LETRAS GALEGAS 2019
 |
| Antonio Fraguas Fraguas |
O día 16 de maio celebraremos o Día das Letras Galegas 2019 cun pequeno acto en homenaxe a Antonio Fraguas. Podedes ler aquí a súa biografía oficial que publica a RAG.
Dentro das actividades desenvolvidas este mes centradas nas Letras Galegas, exponse no hall de entrada do instituto un resumo da vida e obra do homenaxeado este ano.
Ademáis, está en marcha o concurso de "O libro misterioso", do cal tendes as bases publicadas nos carteis repartidos polo instituto e neste blog.
Para rematar, o día 16 realizarase o acto central do Día das Letras Galegas con actuacións musicais, o concurso Acerta e Gana e a entrega do premio ao ganador ou ganadora do concurso "O libro misterioso".
Lembrade: o día 16 de maio, no salón de actos, ás 11:30.
xoves, 25 de abril de 2019
Dentro das actividades programadas co motivo da celebración do Día das Letras Galegas 2019, o Equipo de Biblioteca xunto co EDLG do CIFP A Farixa organizan O libro misterioso, un divertido xogo de motivación á lectura.
En que consiste? É moi fácil, só tedes que adiviñar cal é o libro misterioso do que imos dando pistas.
Se o atopades, enviar correo a olibromisterioso@farixa.es indicando: Título, autor e número de rexistro do
libro na biblioteca.
- O gañador será o primeiro correo recibido coa resposta correcta antes do 14 de maio.
- Máximo de 2 correos por alumno/a que deberá indicar: Nome, Apelidos e Curso.
- Pistas: Na porta da Biblioteca ás 11:15 horas os días: 29 de abril, 2,3,6,8 e 10 de maio.
- Premio: Un vale para compra de material.
Subscribirse a:
Publicacións (Atom)