Celebrando a Begoña Caamaño

A Asemblea de Mulleres do STEG pon á vosa disposición este podcast no que atoparas á Begoña Caamaño xornalista, á activista e á escritora.

podcast

VII Concurso Literario Letras Galegas 2026

Cada persoa poderá presentar só unha obra, que deberá ser un relato curto de temática libre, escrito en idioma galego, orixinal, inédito e que non fose publicado nin premiado en ningún outro certame.

O prazo de entrega será ata o 3 de maio de 2026.

Os premios serán os seguintes:

1º PREMIO: 400 €, un vale de compra do Centro Comercial Arousa por valor de 100 € e diploma

2º PREMIO: 300 €, un vale de compra do Centro Comercial Arousa por valor de 50 € e diploma

3º PREMIO: 200 €, un vale de compra do Centro Comercial Arousa por valor de 25 € e diploma.

BASES 

SEMINARIO GALÁN. LETRAS GALEGAS 2024

Este ano o Días das Letras Galegas vai dedicado a Luísa Villalta, e dende o Seminario Galán ofrécennos toda unha serie de recursos do máis variado para aprender sobre a autora coruñesa.

 Luísa Villalta

XII CERTAME DE MICRORRELATOS FEIRACO. LETRAS GALEGAS 2024.

Tedes até o 18 de maio para escribir o voso relato, que non pode pasar das 500 verbas e debe comezar coa frase "púxenme a escoitar". A temática do relato é libre. Os tres mellores relatos nas categorías de menores e de maiores de idade levarán premios.

 

+INFO E BASES

GRAN KAHOOT SOBRE FRANCISCO FERNÁNDEZ DEL RIEGO. LETRAS GALEGAS 2023.

A semana que vén celebramos o Día das Letras Galegas, e nesta 60ª edición o autor homenaxeado é Francisco Fernández del Riego.

Para celebrar esta data sinalada convidámoste a participar no gran Kahoot sobre Don Paco que terá lugar o vindeiro xoves, 18 de maio, no salón de actos do Cifp A Farixa.

Todas as respostas a estas preguntas están nos carteis que levan unha semana expostos diante da entrada da cafetaría. Bótalles un ollo.

Para participar só tes que vir ao salón de actos co teu teléfono móbil.

Anímate!!

 

Convocatoria do V Concurso de Podcasts-Radio na biblio

A Dirección Xeral de  Ordenación e Innovación Educativa, no contexto do Plan LIA de Bibliotecas escolares, fai pública a Resolución de 21 de marzo de 2023, pola que se convoca o V Concurso de Podcasts-Radio na biblio, en colaboración  coa Radio Galega (CRTVG). Poderán participar os centros públicos non universitarios, de titularidade da Consellería de Cultura, Educación, Formación profesional e Universidades, integrados ou non no programa Radio na biblio. Esta proposta está vinculada á celebración do Día das Letras Galegas 2023, dedicado este ano ao intelectual, escritor, activista político e cultural, articulista, editor e ensaísta Francisco Fernández del Riego, polo que as temáticas dos podcasts, nas catro modalidades previstas, deberán tratar sobre a valoración da lingua materna, reforzar a lectura en galego ou o achegamento ao mundo da edición e da tradución, e da importancia do activismo cultural a partir dos anos 50 do que foi protagonista, entre outros, o autor homenaxeado.

O prazo de presentación dos traballos e da documentación complementaria remata o 28 de abril de 2023.

Bases