RELATO GAÑADOR NO CIFP A FARIXA DO CONCURSO DE RELATOS ESPANTOSOS DO SAMAÍN

 

Parabéns a Silvia Domínguez Navarro e mil grazas aos equipos de dinamización da EOIOU e do CIFP Portovello.

SAMAÍN NO CIFP A FARIXA!!

Vén celebrar o Samaín connosco!! Aquí tes o programa para 💀 Faraín 2025 👻:

• Obradoiro de cabazas: o día 30 de outubro, xoves, de 10:00 a 11:30, diante da cafetaría. Trae algunha idea, que o cabazo e o cúter xa o poñemos nós. Poderás votar a través do primeiro código QR. É necesario apuntarse antes enviando un correo a dinamizafarixa@farixa.es indicando nome e apelidos, curso e ciclo. 
• Concurso de Podcast: en colaboración co Departamento de Imaxe e Son do CIFP A Farixa e co CIFP de Vilamarín. Tes as bases no segundo código QR.
• Concurso de Microrrelatos: en colaboración coa EOIOU e co CIFP Portovello. Tes as bases no terceiro código QR.
• Decoración de portas das aulas: organiza a Biblioteca do centro. Non fai falla anotarse. Decora a túa aula!!

HAI PREMIOS!! VALES DE 30 EUROS PARA OS CONCURSOS DE DECORACIÓN DE CABAZAS, PODCAST E MICRORRELATOS!!
 

Concurso de "Relatos Espantosos" do Samaín.

Xa está aquí o Samaín de novo, e o noso instituto, en colaboración coa EOIOU e co CIFP Portovello, pon en marcha unha nova edición do concurso de "Relatos Espantosos" do Samaín. Deixámosvos por aquí as bases. 

CELEBRA O SAMAÍN NO CIFP A FARIXA!!

Este curso temos varias actividades para celebrar o Samaín e seguro que algunha é do teu interese. 

Gústache escribir? Apúntate ao concurso de Microrrelatos Terroríficos.

Tes voz radiofónica? Entón o teu é o concurso de Podcast.

Es máis de facer manualidades? Anótate ao concurso de decoración de cabazos ou decora a porta da túa aula.

Todos os concursos teñen premios e podes atopar as bases nos códigos QR do cartel.e nas ligazóns a seguir:

CONCURSO DE MICRORRELATOS

CONCURSO DE PODCAST

CONCURSO DE DECORACIÓN DE CABAZOS

CONCURSO DE RELATOS DO SAMAÍN 2023

A EOI de Ourense e o CIFP A Farixa colaboran neste terrorífico concurso de Samaín!! Anímate a participar enviando o teu relato en texto ou audio a dinamizafarixa@gmail.com. Asústanos cun máximo de 150 palabras e leva un premio!! 💀💀😈😈👻👻🎃🎃

BASES

Samaín: obradoiro de decoración de cabazos

Resultado do taller de decoración de cabazos polo Samaín:

O proceso:

 Grazas a Jorge Gómez e Erik Pereira de 1º de STI pola súa participación, e ao grupo de 2º de PARE pola súa colaboración na preparación da actividade.

Samaín 2019

Xa estamos en outubro e o 31 é o día do Samaín !!

Como non so podemos vivir de coñecementos técnicos, temos que aproveitar para alimentarmonos culturalmente e promocionar a celebración do Samaín cun concurso de relatos curtos de medo!

Tamén se necesitarían voluntarios para ambientar o instituto nesa semana con de decoración de cabazos e outros elementos terroríficos!! Vaise realizar un obradoiro onde poderán participar todos e todas as interesadas, onde decoraremos cabazos e ambientaremos o hall do centro.

O Samaín é a festa de orixe celta do fin do verán e de lembranza dos difuntos , que no cristianismo derivou na festa de Difuntos (ou día de Todos os Santos).

Na América anglosaxoa a festa de Difuntos convertíuse na festa de Halloween.

Se queredes saber máis acerca do Samaín, podedes ver esta unidade didáctica do CEIP Antonio Insua Bermúdez de Vilalva: O Samaín

Prazas: actividade para 10 alumnos
Participantes: poderá participar todo o alumnado que non teña previstas outras actividades, e con autorización dos correspondentes profesores. Se houbese máis interesados que prazas, escolleranse os 10 primeiros en anotarse Tamén poderá participar calquira profesor ou persoal do centro que o desexe.
Inscripción: o alumnado que desexe participar deberá anotarse nunha lista que estará deispoñible en conserxería; prazo: ata o luns 21.
Data de celebración: o martes 22 realizarase unha pequena reunión no recreo para organizar as actividaes a desenvolver. O obradoiro se realizará o venres 25 de 3ª hora en adiante.

Bases do concurso:

1. Participantes: poderá participar todo o alumnado, persoal  non docente e persoal docente do CIFP A Farixa.
2. Premios: o premio consistirá nin vale de 40 € para material informático e/ou de oficina para o mellor relato do alumnado, e un bonito diploma para o mellor relato para o persoal docente e non docente. Poderán declararse desertos no caso de poucos relatos recibidos e/ou debido ao seu contido, a criterio do xurado.
3. Temática: debe ser un relato orixinal sobre o medo, terror,... preferentemente usando as figuras da nosa cultura popular (lobishomes, diaños, meigas, Santa Compaña, mouros, fadas, etc...)
4. Formato: o relato terá unha extensión máxima de 1 páxina , en letra Arial, tamaño 12 e debe estar escrito en galego.
5. Entrega: farase en formato informático, enviando o texto adxunto ao correo electrónico edlg@farixa.es , especificando nome do autor ou autora, curso e título do relato.
6. Prazo: os relatos poderanse enviar ao email indicado ata o 30 de outubro. Prolongado o prazo ata o 8 de novembro!!
7. Xurado: estará composto polos membros do EDLG de A Farixa.
8. Publicación dos relatos gañadores: faranse públicos no blog do EDLG a partir do 13 de novembro. 
9. Difusión de datos: Os participantes aceptan a difusión dos seus nomes e dos textos presentados a concurso, co fin de dar a coñecer as actividades realizadas.

Entrega de premio ao gañador de relatos de samaín

Onte fíxose a entrega do premio ao gañador do concurso de relatos curtos de Samaín, o alumno Bruno Mileo da Costa, por parte do director da Farixa e o cordinador do EDLG.

O premio consiste nun vale de 40€ para material informático nunha tenda de Ourense. Esperamos a vosa participación nas novas actividades que se propoñan por parte do EDLG e do resto do centro. 

Ganador do concurso de relatos do Samaín

O EDLG da Farixa decide proclamar como relato vencedor do concurso "A maxia do amor". O autor do relato débese por en contacto do coordinador do EDLG.

Esperamos que para o próximo ano paticipedes máis xente!

A maxia do amor

Érase unha vez unha meiga moi meiga, era xoven e branca, cos ollos azuis da cor do zafiro. Vivía nunha cabana de madeira no alto dun monte frondoso e escuro dunha remota aldea de Galicia. Tódolos días baixaba a aldea, pra mercar o que precisaba para as súas pocións. Nadie no pobo sabía que era unha meiga, nin o imaxinaban porque ela disimulabao vestindo coma a xente normal, deixando o seu vestido negro e o seu sombreiro piramidal na casa xunto a súa escoba que non só servía pra barrer. Ise día non buscaba nada en especial, quería mercar unhas laranxas. Estabaas collendo cando a súa man topouse ca doutra persoa, apartouna e mirou pra diante, esa persoa era un xoven co cabelo escuro e ollos grises que a encandilou ao momento co seu ollar. Presentaronse e falaron, de seguido conectaron e ela invitouno a súa casa, él aceptou. Ela preparou a cea, colleu o millor que tiña pola cociña, tocaba coello. O rapaz era moi divertido e ela ríase moito con él, pero sabía que era unha relación imposíbel, ela era unha bruxa. Pero non pensaba resignarse a non poder divirtirse nin poder vivir o amor xuntos, así que decidiu matalo. Quedara dormido despois de faer o amor, era o momento perfecto. Colleulle delicadamente a cabeza cara a atrás e cortoulle o pescozo co seu coitelo máis afiado. Saía moita sangue, unha cor vermella escura bañou as sábanas da cama da bruxa. Pero o seu endiañado plan inda non acabara. Comezou a remexer dúas pocións, unha en cada pota. Unha fumeaba un fume denso e de cor negra, e o outro era máis fino e dunha cor branca, moi branca. Despois de limparlle a ferida e colocalo ben tumbado, introduciulle a poción negra, unha poción que faría que o seu corpo inerte non apodrecera nunca máis. A meiga quedou leda polo resultado, e seguiu coa súa vida cotiá: pola mañá barría e limpaba a casa, pola tarde traballaba en novas pocións e de vez en cando baixaba a aldea mentres que o corpo do xoven seguía na súa cama, alleo ao mundo dos vivos. E así pasaron os meses e xa faltaba pouco para o gran día, o día do Samaín. A praza da aldea encheríase de xente, bailarían e beberían, sería unha gran troula toda a noite. Finalmente chegou e ela disfrazarase de bruxa, o seu traxe orixinal pero un simple disfraz para os mortais. Achegouse ao seu amor e bicouno na frente, pronto espertaría grazas a poción que revive durante un día os mortos, a poción branca. O rapaz non se acordaría de nada pero a meiga recordaríalle que eran mozos e que debían ir o baile de Samaín, o bo da poción era que aturdía a cachola polo que creería todo e non faría preguntas. Deulla e pouco despois dirixironse cara a festa, de camiño foille contando como se conoceran, pero él pouco falaba e tan só asentía, estaba moi aturdido, coma cando estás namorado. O chegar a praza como era de esperar estaba chea de xente disfrazada, había lobishomes, fadas, diaños.. A música comezou a soar e agarradiños bailaron e bailaron, sabendo que ata o próximo samaín non poderían volver a estar xuntos. Unha meiga e un morto vivente, unha parella de conto, dises contos que che fan arrepiar ata o último cabelo do corpo. 

FIN

Concurso de Samaín

Acércase o 31 de outubro e temos que aproveitar para promocionar a celebración do Samaín cun concurso de decoración de cabazos e de relatos curtos de medo.!

O Samaín é a festa de orixe celta do fin do verán e de lembranza dos difuntos , que no cristianismo derivou na festa de Difuntos (ou día de Todos os Santos), e que na América anglosaxoa convertíuse na festa de Halloween.

Se queredes saber máis acerca do Samaín, podedes ver esta unidade didáctica do CEIP Antonio Insua Bermúdez de Vilalva: O Samaín

Bases xerais:

1. Participantes: poderá participar todo o alumnado do CIFP A Farixa.
2. Premios: o premio para ambas categorías consiste en sendos vales de 40 € para material informático. 
3. Xurado: estará composto polos membros do EDLG de A Farixa. 
4. Voto popular: ademáis dos votos emitidos polo xurado, otorgarase un voto popular ao cabazo e ao texto máis votados no blog do EDLG polo alumnado do centro. Para votar por un dos cabazos ou un dos textos, haberá que facer un comentario na entrada correspondente do blog, indicando o nome e o curso do votante. Podedes votar ata o día 9 de novembro. 
5. Publicación do cabazo e relato gañadores: faranse públicos no blog do EDLG a partir do 13 de novembro. 
6. Os participantes aceptan a difusión de imaxes dos cabazos e dos textos presentados a concurso, co fin de dar a coñecer as actividades realizadas.

 Bases do concurso:

1. Poderá participar todo o alumnado do CIFP A Farixa, ben individualmente ou en grupos de 4 alumnos ou alumnas como máximo.
2. Por razón de espazo, o cabazo debe ter un tamaño moderado.
3. Será gañadora a decoración máis orixinal e terrorífica.
4. Os textos, se os hai, deberán estar en galego.
5. É necesario inscribirse antes do 26 de outubro enviando nome e curso dos ou das participantes ao correo edlg@farixa.es co asunto concurso de cabazos.
6. É necesario traer os cabazos o lúns 29 para colocalos no lugar escollido para a súa exposición ata o día 31; ao finalizar as clases o día 31, deberán ser retirados.
7.  No blog do EDLG se publicará unha reportaxe fotográfica dos cabazos presentados.

 Bases do concurso:

1. Temática: debe ser un relato orixinal sobre o medo, terror,... preferentemente usando as figuras da nosa cultura popular (lobishomes, diaños, meigas, Santa Compaña, mouros, fadas, etc...)
2. Formato: o relato terá unha extensión máxima de 1 páxina , en letra Arial, tamaño 12 e debe estar escrito en galego.
3. Entrega: farase en formato informático, enviando o texto adxunto ao correo electrónico edlg@farixa.es, especificando nome do autor ou autora, curso e título do relato.
4. Prazo: os relatos poderanse enviar ao email indicado ata o 28 de outubro.
5. O día 29 todos os relatos recibidos serán publicados no blog do EDLG.