Se tes entre 15 e 25 anos e che gusta o mundo do podcast, anímate a participar. Os temas preferentes das pezas que se presenten ao premio serán o medio ambiente, a paisaxe, a sostibilidade, o territorio, o patrimonio, a historia, a xeografía, a etnografía, a comunicación oral e a tradición oral. Todos temas do universo oteriano. O idioma será o galego.
As pezas enviaranse ao correo da asociacion: amigos.de.otero.pedrayo@gmail.com entre o 10 de febreiro e o 25 de xullo de 2024.
O Concello da Estrada, en colaboración coa Xunta de Galicia a través da Secretaría Xeral de Política Lingüística e a Editorial Galaxia, convoca o XXXVI Premio de Novela “Manuel García Barros” (Ken Keirades), cunha dotación económica de 9.000 euros.
O prazo de presentación de orixinais remata o 24 de febreiro de 2024.
Se che gusta escribir poesía, tes aquí unha oportunidade de demostrar o teu talento. Até o 24 de febreiro terás a oportunidade de participar no concurso de poesía Avelina Valladares. Deixámosche as bases na ligazón.
A Santa Compaña volve ao CIFP A Farixa o vindeiro venres, día 3 do mes dos defuntos, para celebrar o Samaín. Participa nos concursos de decoración de cabazas e de "Relatos Espantosos". Haberá premios terroríficos e animación musical diante da cafetaría, entre as 11 e as 12:30. Non teñas medo de vir vestida/o para a ocasión!!!
Tes as bases no código qr:
A EOI de Ourense e o CIFP A Farixa colaboran neste terrorífico concurso de Samaín!! Anímate a participar enviando o teu relato en texto ou audio a dinamizafarixa@gmail.com. Asústanos cun máximo de 150 palabras e leva un premio!! 💀💀😈😈👻👻🎃🎃
Grava un vídeo en galego de entre 15 e 90 segundos a través de TikTok ou dos Reels de Instagram.
A temática é libre, polo que podes falar de deportes, humor, música, cine, literatura, etc.
Tes as bases debaixo do cartaz. Anímate e amósanos a túa creatividade!! Hai seis premios de 300 euros!
A asociación cultural e pedagóxica Ponte... nas ondas! trata de contribuír á transmisión do patrimonio cultural inmaterail galego-portugués a través da convocatoria dun certame de fotografías entre o alumnado, establecéndose dúas categorías:
As fotografías deben conter imaxes anteriores a 1970, presentaranse dixitalizadas e acompañadas dun texto descritivo. Cada alumno/a participante poderá presentar un máximo de dúas fotografías propiedade da súa familia.
Tamén serán ben recibidas as achegas de persoas ou entidades externas ao sistema educativo, podendo facerse mención ás máis salientables á marxe do concurso.
A maiores, é posible participar no certame cun podcast sobre unha das imaxes presentadas.
Premios:
Prazo de participación: ata o 23 de xuño de 2023.
Enderezo electrónico para a consulta de dúbidas: ondas@pontenasondas.org.
No seguinte documento pódense consultar as bases do concurso.
A Comisión de Normalización Lingüística da Facultade de Ciencias da USC, co apoio do Servizo de Normalización Lingüística da USC, convoca de novo neste ano 2023 o concurso Petiscos de ciencia de vídeos científicos en galego.
Nesta iniciativa vai poder participar o alumnado da ESO, de formación profesional e de bacharelato dos institutos de Galicia, en grupos de 3 persoas como máximo, coordinados por un/unha docente.
Para facelo, debe presentar un vídeo en galego de entre 30 e 90 segundos, inédito e orixinal, que atenda cun enfoque divulgativo a calquera tema relacionado coa ciencia.
PRAZOS
Os vídeos poden presentarse ata o 15 de outubro de 2023.
PREMIOS
1. Agasallo por valor de 200 euros.
2. Agasallo por valor de 100 euros.
O EDLG do IES compostelán A Pontepedriña organiza o seu VI concurso de Booktrailers. O único que tes que facer e gravar un vídeo curto (de entre 60 e 120 segundos) falando sobre un libro que leras en galego.
Déixoche as bases por aquí.
Os maios ourensáns son construcións figurativas, enxebres (entre os que dominan os de forma cónica ou piramidal, feitos con armazóns de varas ou canas, recubertos con plantas e decorados con laranxas bravas ou ovos) ou artísticas (máis modernos, representacións de monumentos, hórreos, barcos, actividades cotiás...). Estes maios son portados en andas polos seus creadores entre centos de persoas que participan da festa e pódense contemplar na Alameda do Concello.
Este ano celebrámolos o domingo, 7 de maio.
A Dirección Xeral de Ordenación e Innovación Educativa, no contexto do Plan LIA de Bibliotecas escolares, fai pública a Resolución de 21 de marzo de 2023, pola que se convoca o V Concurso de Podcasts-Radio na biblio, en colaboración coa Radio Galega (CRTVG). Poderán participar os centros públicos non universitarios, de titularidade da Consellería de Cultura, Educación, Formación profesional e Universidades, integrados ou non no programa Radio na biblio. Esta proposta está vinculada á celebración do Día das Letras Galegas 2023, dedicado este ano ao intelectual, escritor, activista político e cultural, articulista, editor e ensaísta Francisco Fernández del Riego, polo que as temáticas dos podcasts, nas catro modalidades previstas, deberán tratar sobre a valoración da lingua materna, reforzar a lectura en galego ou o achegamento ao mundo da edición e da tradución, e da importancia do activismo cultural a partir dos anos 50 do que foi protagonista, entre outros, o autor homenaxeado.
O prazo de presentación dos traballos e da documentación complementaria remata o 28 de abril de 2023.
Hoxe, 23 de febreiro de 2023, celebramos o nacemento de María Rosalía Rita de Castro, poetisa e novelista galega, figura emblemática do Rexurdimento galego e precursora da poesía moderna galega.
Para iso imos compartir con vós unha escolma de materiais que vos permitirá coñecer mellor á nosa Rosalía e a súa obra.
Cantares gallegos, Contos da miña terra, Follas novas en descarga gratuíta.
Visita en 28 segundos as casas nas que morou Rosalía (vídeo).
Goza da obra de Rosalía en formato audiolibro.
Documental sobre a Rosalía feminista (vídeo).
"Tik y Tak" explícanche en 5 minutos quen era Rosalía (vídeo).
Os Bolechas celebran a Rosalía (vídeo).
Escoita Negra Sombra musicada (vídeo).
Frases célebres de Rosalía (vídeo).
En total ofértanse 35 cursos titorizados -9 presenciais e 26 en liña- preparatorios das probas para obter os niveis Celga 2, 3 e 4
As solicitudes presentaranse a través da plataforma de teleformación da Secretaría Xeral de Política Lingüística entre o 13 de febreiro e o 3 de marzo mentres que os cursos se impartirán do 20 do marzo ao 11 de maio
A Consellería de Cultura tamén ofrece cursos Celga de autoaprendizaxe nos catro niveis aos que a cidadanía pode acceder libremente sen límite de prazas nin prazos de impartición no Portal da Lingua Galega
Lingua de namorar é un concurso en liña de mensaxes de amor en lingua galega dirixido a todos os mozos e as mozas de 14 a 35 anos.
Tes a información sobre os premios, o concurso de Instagram e demais na ligazón adxunta. Anímate!!
O Equipo de Dinamización da Lingua Galega do CIFP A Farixa convoca os Premios a Proxectos de fin de ciclo redactados e defendidos en galego, co obxectivo de contribuír á normalización da lingua galega no ámbito académico.
Co obxectivo de fomentar a poesía no impulso das ideas e facer do galego un idioma de intercambio cultural, o Festival Alguén de respira! –organizado polo Concello de Santiago de Compostela co apoio da Secretaria Xeral de Política Lingüística– convoca a a primeira edición do Premio Respira! de poesía, que se rexerá polas seguintes bases: Certame de Poesía Respira!
Con motivo da conmemoración do 8 de marzo, Día Internacional da Muller, a Secretaría Xeral da Igualdade da Consellería de Promoción do Emprego e Igualdade e a Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades convocan un concurso de carteis.
Deixámosche aquí as bases.
Xa temos na nosa biblioteca unha nova obra de banda deseñada en galego. Nesta ocasión trátase de "Cousas de mortos", do autor coruñés Manel Cráneo, 14 terroríficas historias breves á túa disposición.
A golpe de luns querémosvos propoñer un plan marabilloso para a próxima fin de semana. A pouco máis de media hora de Ourense, en coche, tedes o Ecomuseo do Pazo de Arxeriz, no Saviñao, provincia de Lugo. Neste museo/pazo poderedes coñecer como era a vida das vilas que estaban próximas ao río Miño antes de que construisen os encoros, as barcas que usaban, as artes de pesca, o comercio entre as beiras do río... Tamén poderedes ver restos castrexos, viñedos, o mirador de Cabo do Mundo, bodegas tradicionais, disfraces propios da zona... É unha visita moi interesante se queres coñecer algo máis sobre a cultura e a historia galegas ou se che gusta pasear polo campo. Anímate!!
