IV CERTAME DE GALETIKTOKERS 2023

Grava un vídeo en galego de entre 15 e 90 segundos a través de TikTok ou dos Reels de Instagram.  

A temática é libre, polo que podes falar de deportes, humor, música, cine, literatura, etc. 

Tes as bases debaixo do cartaz. Anímate e amósanos a túa creatividade!! Hai seis premios de 300 euros!

BASES galetiktokers

GRAN KAHOOT SOBRE FRANCISCO FERNÁNDEZ DEL RIEGO. LETRAS GALEGAS 2023.

A semana que vén celebramos o Día das Letras Galegas, e nesta 60ª edición o autor homenaxeado é Francisco Fernández del Riego.

Para celebrar esta data sinalada convidámoste a participar no gran Kahoot sobre Don Paco que terá lugar o vindeiro xoves, 18 de maio, no salón de actos do Cifp A Farixa.

Todas as respostas a estas preguntas están nos carteis que levan unha semana expostos diante da entrada da cafetaría. Bótalles un ollo.

Para participar só tes que vir ao salón de actos co teu teléfono móbil.

Anímate!!