venres, 15 de novembro de 2019

Magosto 2019

O pasado venres 8 de novembro celebramos no noso centro unha festa de magosto organizada polo EDLG e os Correspondentes Xuvenís do CIFP A Farixa, cunha grande e animada participación.

 Queremos dar as grazas aos correspondentes xuvenís e a todos e todas os que colaboraron na actividade, comos aos grupos de imaxe e son que amenizaron a xornada.

Felicitámonos polo éxito da festa, esperando repetilo en vindeiros cursos. Grazas a tod@s.!!


mércores, 6 de novembro de 2019

Magosto 2019

O EDLG e os Corresponsales Xuvenís do CIFP A Farixa organizan un magosto no centro o vindeiro 8 de novembro.
Actividade aberta a todos e todas as integrantes do CIFP A Farixa co único requisito de inscribirse na actividade aportando unha "donación" de 1 €.

martes, 5 de novembro de 2019

Samaín: obradoiro de decoración de cabazos

Resultado do taller de decoración de cabazos polo Samaín:


O proceso:





 Grazas a Jorge Gómez e Erik Pereira de 1º de STI pola súa participación, e ao grupo de 2º de PARE pola súa colaboración na preparación da actividade.

venres, 11 de outubro de 2019

Samaín 2019



Xa estamos en outubro e o 31 é o día do Samaín !!

Como non so podemos vivir de coñecementos técnicos, temos que aproveitar para alimentarmonos culturalmente e promocionar a celebración do Samaín cun concurso de relatos curtos de medo!

Tamén se necesitarían voluntarios para ambientar o instituto nesa semana con de decoración de cabazos e outros elementos terroríficos!! Vaise realizar un obradoiro onde poderán participar todos e todas as interesadas, onde decoraremos cabazos e ambientaremos o hall do centro.

O Samaín é a festa de orixe celta do fin do verán e de lembranza dos difuntos , que no cristianismo derivou na festa de Difuntos (ou día de Todos os Santos).

Na América anglosaxoa a festa de Difuntos convertíuse na festa de Halloween.

Se queredes saber máis acerca do Samaín, podedes ver esta unidade didáctica do CEIP Antonio Insua Bermúdez de Vilalva: O Samaín


Prazas: actividade para 10 alumnos
Participantes: poderá participar todo o alumnado que non teña previstas outras actividades, e con autorización dos correspondentes profesores. Se houbese máis interesados que prazas, escolleranse os 10 primeiros en anotarse Tamén poderá participar calquira profesor ou persoal do centro que o desexe.
Inscripción: o alumnado que desexe participar deberá anotarse nunha lista que estará deispoñible en conserxería; prazo: ata o luns 21.
Data de celebración: o martes 22 realizarase unha pequena reunión no recreo para organizar as actividaes a desenvolver. O obradoiro se realizará o venres 25 de 3ª hora en adiante.



Bases do concurso:
  1. Participantes: poderá participar todo o alumnado, persoal  non docente e persoal docente do CIFP A Farixa.
  2. Premios: o premio consistirá nin vale de 40 € para material informático e/ou de oficina para o mellor relato do alumnado, e un bonito diploma para o mellor relato para o persoal docente e non docente. Poderán declararse desertos no caso de poucos relatos recibidos e/ou debido ao seu contido, a criterio do xurado.
  3. Temática: debe ser un relato orixinal sobre o medo, terror,... preferentemente usando as figuras da nosa cultura popular (lobishomes, diaños, meigas, Santa Compaña, mouros, fadas, etc...)
  4. Formato: o relato terá unha extensión máxima de 1 páxina , en letra Arial, tamaño 12 e debe estar escrito en galego.
  5. Entrega: farase en formato informático, enviando o texto adxunto ao correo electrónico edlg@farixa.es , especificando nome do autor ou autora, curso e título do relato.
  6. Prazo: os relatos poderanse enviar ao email indicado ata o 30 de outubro. Prolongado o prazo ata o 8 de novembro!!
  7. Xurado: estará composto polos membros do EDLG de A Farixa.
  8. Publicación dos relatos gañadores: faranse públicos no blog do EDLG a partir do 13 de novembro. 
  9. Difusión de datos: Os participantes aceptan a difusión dos seus nomes e dos textos presentados a concurso, co fin de dar a coñecer as actividades realizadas.

sábado, 21 de setembro de 2019

Enquisa sobre o uso do galego no centro

Co obxectivo da mellora na promoción do uso da lingua galega no noso centro estamos a realizar un Proxecto Sociolíngüístico que sirva de ferramenta de traballo para os vindeiros cursos escolares.

Para eso, necesitamos saber a realidade da lingua galega na vida do noso alumnado e pedímosvos que cumprimentedes un cuestionario.

O cuestionario é totalmente anónimo e só servirá como fonte estatística para o deseño dos obxectivos do proxecto: .

Benvida curso 2019/2020

Saúdos. Benvidos ao blog do Equipo de Dinamización da Lingua Galega do CIFP A Farixa neste novo curso 2019/20. Esperamos que vos unades e colaboredes nas actividades que iremos desenvolvendo ao longo do curso. Tamén esperamos os vosos comentarios e propostas para fomentarmos a lingua e cultura galega.

luns, 24 de xuño de 2019

Gañadores dos premios aos proxectos de fin de ciclo en galego

O día 20 de xuño, dentro da gala de graduación de fin de curso, fíxose a entrega dos premios aos alumnos e alumnas que resultaron gañadores dos I premios a proxectos de fin de ciclo redactados e defendidos en galego.
Os gañadores e gañadoras de este primeira convocatoria foron:
  • CS de Mantemento Electrónico: Óliver Formoso Sánchez
  • CS de Guía, información e Asistencia Turísticas: Óscar Gesteira Estévez
  • CS de Axencias de Viaxes e Xestión de Eventos: María José Salgado
  • CS de Produción de Audiovisuais e Espectáculos: Iria Rivero Conde
O premio consistiu nun diploma e en vale de 50€ para material didáctico (papelería e/ou informático).
Noraboa aos gañadores e gañadoras!





luns, 13 de maio de 2019

DÍA DAS LETRAS GALEGAS 2019

Antonio Fraguas Fraguas
O día 16 de maio celebraremos o Día das Letras Galegas 2019 cun pequeno acto en homenaxe a Antonio Fraguas. Podedes ler aquí  a súa biografía oficial que publica a RAG.
Dentro das actividades desenvolvidas este mes centradas nas Letras Galegas,  exponse no hall de entrada do instituto un resumo da vida e obra do homenaxeado este ano.
Ademáis, está en marcha o concurso de "O libro misterioso", do cal tendes as bases publicadas nos carteis repartidos polo instituto e neste blog.
Para rematar, o día 16 realizarase o acto central do Día das Letras Galegas con actuacións musicais, o concurso Acerta e Gana e a entrega do premio ao ganador ou ganadora do concurso "O libro misterioso".
Lembrade: o día 16 de maio, no salón de actos, ás 11:30.

xoves, 25 de abril de 2019


Dentro das actividades programadas co motivo da celebración do Día das Letras Galegas 2019, o Equipo de Biblioteca xunto co EDLG do CIFP A Farixa organizan O libro misterioso, un divertido xogo de motivación á lectura.

En que consiste? É moi fácil, só tedes que adiviñar cal é o libro misterioso do que imos dando pistas.

Se o atopades, enviar correo a olibromisterioso@farixa.es indicando: Título, autor e número de rexistro do libro na biblioteca.
  • O gañador será o primeiro correo recibido coa resposta correcta antes do 14 de maio.
  • Máximo de 2 correos por alumno/a que deberá indicar: Nome, Apelidos e Curso.
  • Pistas: Na porta da Biblioteca ás 11:15 horas os días: 29 de abril, 2,3,6,8 e 10 de maio.
  • Premio: Un vale para compra de material.

venres, 5 de abril de 2019

Co gallo do 150 aniversario do descubrimento do Sistema Periódico de Dmitry Mendeleev en 1869, na 72ª Sesión da Asamblea Xeral das Nacións Unidas proclamouse 2019 como  Ano Internacional da Táboa Periódica de Elementos Químicos (IYPT 2019). 
O Consello da Cultura Galega uníuse a esta celebración, e este 14 de marzo  comunicou que xestá dispoñíbel para a súa descarga, en formato PDF, a primeira táboa periódica dos elementos químicos en galego.
Podes descargala facendo click na imaxe:



xoves, 14 de febreiro de 2019

Premios a proxectos de fin de ciclo

CONVOCATORIA DE PREMIOS A PROXECTOS DE FIN DE CICLO REDACTADOS E DEFENDIDOS EN GALEGO.
O Equipo de Dinamización da Lingua Galega do CIFP A Farixa convoca os primeiros premios a proxectos de fin de ciclo redactados e defendidos en galego, co obxectivo de contribuír á normalización da lingua galega no ámbito académico.

Non é necesario inscribirse para participar: poderá acceder automaticamente a estes premios todo o alumnado matriculado no CIFP A Farixa no curso 2018/2019 cuxos proxectos cumpran as bases.
Premiaranse ata un máximo dun proxecto por cada ciclo superor LOE presente no centro:
  • Proxectos de Edificación.
  • Mantemento Electrónico.
  • Sistemas de Telecomunicacións e Informáticos.
  • Eficiencia Enerxética e Enerxía Solar Térmica.
  • Guía, información e Asistencia Turísticas.
  • Axencias de Viaxes e Xestión de Eventos.
  • Produción de Audiovisuais e Espectáculos
Cada premio consistirá nun vale regalo de cincuenta euros (50,00€) para material informático e/ou de oficina.
As bases completas descríbense no seguinte documento: Bases