CONVOCATORIA 2023 DE PREMIOS A PROXECTOS DE FIN DE CICLO REDACTADOS E DEFENDIDOS EN GALEGO.

O Equipo de Dinamización da Lingua Galega do CIFP A Farixa convoca os Premios a Proxectos de fin de ciclo redactados e defendidos en galego, co obxectivo de contribuír á normalización da lingua galega no ámbito académico.

Poderá acceder automaticamente a estes premios todo o alumnado matriculado no CIFP A Farixa no curso 2022/2023 cuxos proxectos cumpran as bases.
Premiarase ata un máximo dun proxecto por cada ciclo superior presente no centro:

• Automatización e Robótica Industrial.
• Sistemas de Telecomunicacións e Informáticos. 
• Eficiencia Enerxética e Enerxía Solar Térmica. 
• Proxectos de Edificación.
• Axencias de Viaxes e Xestión de Eventos.
• Guía, Información e Asistencia Turística. 
• Produción de Audiovisuais e Espectáculos.
• Acondicionamento físico.
• Termalismo e Benestar.

Cada premio consistirá nun vale regalo de cincuenta euros (50,00 €) para material informático e/ou de oficina.
As bases completas descríbense no seguinte documento: BASES

I Certame de Poesía Respira!

Co obxectivo de fomentar a poesía no impulso das ideas e facer do galego un idioma de intercambio cultural, o Festival Alguén de respira! –organizado polo Concello de Santiago de Compostela co apoio da Secretaria Xeral de Política Lingüística– convoca a a primeira edición do Premio Respira! de poesía, que se rexerá polas seguintes bases: Certame de Poesía Respira!

VI CONCURSO PARA O DESEÑO DO CARTEL DO DÍA 8 DE MARZO 2023 “DÍA INTERNACIONAL DA MULLER”

Con motivo da conmemoración do 8 de marzo, Día Internacional da Muller, a Secretaría Xeral da Igualdade da Consellería de Promoción do Emprego e Igualdade e a Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades convocan un concurso de carteis.

Deixámosche aquí as bases.

Cousas de Mortos

Xa temos na nosa biblioteca unha nova obra de banda deseñada en galego. Nesta ocasión trátase de "Cousas de mortos", do autor coruñés Manel Cráneo, 14 terroríficas historias breves á túa disposición.

Ecomuseo do Pazo de Arxeriz

A golpe de luns querémosvos propoñer un plan marabilloso para a próxima fin de semana. A pouco máis de media hora de Ourense, en coche, tedes o Ecomuseo do Pazo de Arxeriz, no Saviñao, provincia de Lugo. Neste museo/pazo poderedes coñecer como era a vida das vilas que estaban próximas ao río Miño antes de que construisen os encoros, as barcas que usaban, as artes de pesca, o comercio entre as beiras do río... Tamén poderedes ver restos castrexos, viñedos, o mirador de Cabo do Mundo, bodegas tradicionais, disfraces propios da zona... É unha visita moi interesante se queres coñecer algo máis sobre a cultura e a historia galegas ou se che gusta pasear polo campo. Anímate!!

Ecomuseo Pazo de Arxeriz

PREMIOS INTERNACIONAIS DE PODCAST - O VELLO DOS CONTOS

Poderá concorrer a estes premios o alumnado de 10 a 18 anos dos centros de ensino de educación primaria (de 5º e 6º cursos) e secundaria de Galicia, así como doutros centros de ensino non universitario de Galicia e daqueles que imparten ensinanzas de réxime xeral, do mesmo nivel, fóra da Comunidade Autónoma. Así mesmo, poderá participar o alumnado da mesma idade das escolas do Norte de Portugal.

Presentaranse podcasts orixinais e inéditos relacionados coa vida e obra e Francisco Fernández del Riego, o autor a quen se lle dedica o Día das Letras Galegas en 2023, ou con outros aspectos do patrimonio cultural material e inmaterial de Galicia e do Norte de Portugal, cunha duración máxima de tres minutos.

Establécense os seguintes premios:

• Premio ao mellor traballo do alumnado de 5º e 6º cursos de primaria de Galicia e dos centros que imparten ensinanzas de réxime xeral, do mesmo nivel, fóra da Comunidade Autónoma.
• Premio ao mellor traballo dos centros de educación secundaria e doutros centros de ensino non universitario de Galicia e dos que imparten ensinanzas de réxime xeral, do mesmo nivel, fóra da Comunidade Autónoma.

 O vello dos contos (bases)

Elisa e Marcela en banda deseñada de balde!!

O Consello da Cultura Galega presenta esta banda deseñada que, en palabras da autora Xulia Vicente, “relata a historia de Elisa e Marcela, dúas mulleres cuxa peculiar historia foi reconstruída a partir de documentos oficiais e de extractos de xornais, moitas veces con testemuñas de difícil comprobación. Necesariamente, este relato emprega a ficción para suplir algún ocos e facilitar a narración. Esta banda deseñada ten a intención de divulgar e visibilizar a vida destas mulleres, pero nunca debe tomarse como unha versión cen por cen fiel á historia”.

Descarga Elisa e Marcela

III Premio Alberto Quiñoi de álbum ilustrado

III Premio Alberto Quiñoi de álbum ilustrado.

As obras, que poderán presentarse en calquera medio ou soporte, deberán ser inéditas. O texto escrito e a ilustración serán valorados por xunto e daráselles a mesma importancia.

Establécese un premio único de 4000 € para o gañador ou gañadora.

O prazo de presentación de orixinais remata o 11 de febreiro de 2023.

 https://www.lingua.gal/c/document_library/get_file...

#ilustración #fpgalicia #dinamizafarixa

PREMIOS DE LITERATURA DRAMÁTICA

 A Xunta convoca as novas edicións dos seus premios de literatura dramática cunha dotación global de 26.000 euros.

Nova convocatoria dos premios de #literaturadramática da Xunta de Galicia:

XXVI #ÁlvaroCunqueiro para textos teatrais. Dotación: 8000€

XII #ManuelMaría de literatura dramática infantil. Dotación 6000€

XV #BarrigaVerde de textos para teatro de monicreques. Dotación: 6000 euros para cada modalidade (público infantil e adulto)

A posibilidade de publicación das obras gañadoras.

Prazo de presentación de orixinais ata o 2 de maio https://bit.ly/3uSwrGH

https://bit.ly/34CJCkp

LINGUA DE NAMORAR 2022

Concurso Lingua de Namorar 22!!

Categoría A: 14 a 19 anos.

Categoría B: 20 a 35 anos.

Para estas dúas categorías, basta con cubrir o formulario.

Categoría C: Instagram. Cómpre ser seguidor/a de @xuventudegalicia e de @linguagalega. Resto de información na ligazón.

Premios:

- 1º Patinete eléctrico Youin You-Go L.

- 2º Tocadiscos Nevir retro.

- 3º Reloxo intelixente con esfera curvada 2.5D.

Establécese un premio para a categoría C:

- 1º Patinete eléctrico Youin You-Go L.