CONCURSO DE COPLAS. MAIOS 2023

Escribe a túa copla e segue as instrucións que aparecen no cartel:

• Escolle un tema: o profesorado, o equipo directivo, persoas que conducen a 215 qm/h, as rampas do alcalde...
• Ten en conta a rima e que teña un mínimo de 12 versos.
• Envíaa a dinamizafarixa@gmail.com
• Data límite: 7 de maio. 

PREMIOS:

• Mellor copla cantada/rapeada/recitada: un vale de 50 €.
• Mellor copla non musicada (simplemente a copla escrita): un vale de 25 €.

 Pon a túa inspiración a traballar para facer unhas rimas ben satíricas. Moita sorte!!

 

Festa dos Maios 2023

En épocas remotas, os galegos celebraban a chegada da primavera e o remate do cru inverno e propiciaban deste xeito a obtención de boas colleitas. Nos tempos actuais, as festas dos maios son a última manifestación folclórica que festexa en Galicia o final do inverno. Constrúense figuras con elementos naturais, como musgo, flores silvestres, ovos, paus e arredor delas cántanse, con acompañamento de paus, coplas e cancións irónicas e críticas con feitos ou personaxes de actualidade. En Ourense, convócase todos os anos un Concurso de Maios e Coplas no que participan todo tipo de grupos e colectivos sociais e culturais.

Os maios ourensáns son construcións figurativas, enxebres (entre os que dominan os de forma cónica ou piramidal, feitos con armazóns de varas ou canas, recubertos con plantas e decorados con laranxas bravas ou ovos) ou artísticas (máis modernos, representacións de monumentos, hórreos, barcos, actividades cotiás...). Estes maios son portados en andas polos seus creadores entre centos de persoas que participan da festa e pódense contemplar na Alameda do Concello.

Este ano celebrámolos o domingo, 7 de maio.

Os Maios

 

Convocatoria do V Concurso de Podcasts-Radio na biblio

A Dirección Xeral de  Ordenación e Innovación Educativa, no contexto do Plan LIA de Bibliotecas escolares, fai pública a Resolución de 21 de marzo de 2023, pola que se convoca o V Concurso de Podcasts-Radio na biblio, en colaboración  coa Radio Galega (CRTVG). Poderán participar os centros públicos non universitarios, de titularidade da Consellería de Cultura, Educación, Formación profesional e Universidades, integrados ou non no programa Radio na biblio. Esta proposta está vinculada á celebración do Día das Letras Galegas 2023, dedicado este ano ao intelectual, escritor, activista político e cultural, articulista, editor e ensaísta Francisco Fernández del Riego, polo que as temáticas dos podcasts, nas catro modalidades previstas, deberán tratar sobre a valoración da lingua materna, reforzar a lectura en galego ou o achegamento ao mundo da edición e da tradución, e da importancia do activismo cultural a partir dos anos 50 do que foi protagonista, entre outros, o autor homenaxeado.

O prazo de presentación dos traballos e da documentación complementaria remata o 28 de abril de 2023.

Bases

XX CERTAME LITERARIO CONCELLO DE AMES

 

Certame de poesía e narrativa organizado polo Concello de Ames. Haberá unha categoría para menores de 14 anos, outra entre 14 e 17 anos e outra para maiores de 18 anos. 

Se escribes en prosa, a extensión da obra debe ter entre 2 e 6 páxinas. Se escribes poesía, entre 20 e 50 versos. 

Hai tres premios económicos por categoría.

Anímate e participa!!

BASES

8M

 

Como naceu realmente o Día Internacional da muller?

O 17 de agosto de 1917 celebrouse a primeira Conferencia Internacional de Mulleres Socialistas, e, no Segundo Encontro Internacional de Mulleres Socialistas, en 1910, Clara Eißner e Käte Duncker presentaron a proposta de crear o "Día internacional da muller" ou "Día da muller traballadora".

Loitadora pola igualdade de dereitos entre mulleres e homes e polo dereito ao voto feminino, a figura de Clara Eißner é capital se queremos falar de feminismo.

Día de Rosalía de Castro

Hoxe, 23 de febreiro de 2023, celebramos o nacemento de María Rosalía Rita de Castro, poetisa e novelista galega, figura emblemática do Rexurdimento galego e precursora da poesía moderna galega. 

Para iso imos compartir con vós unha escolma de materiais que vos permitirá coñecer mellor á nosa Rosalía e a súa obra. 

Cantares gallegos, Contos da miña terra, Follas novas en descarga gratuíta.

Visita en 28 segundos as casas nas que morou Rosalía (vídeo).

Goza da obra de Rosalía en formato audiolibro.

Documental sobre a Rosalía feminista (vídeo).

"Tik y Tak" explícanche en 5 minutos quen era Rosalía (vídeo).

Os Bolechas celebran a Rosalía (vídeo).

Escoita Negra Sombra musicada (vídeo).

Frases célebres de Rosalía (vídeo).

Cursos preparatorios para a obtención de certificados de lingua galega

En total ofértanse 35 cursos titorizados -9 presenciais e 26 en liña- preparatorios das probas para obter os niveis Celga 2, 3 e 4

As solicitudes presentaranse a través da plataforma de teleformación da Secretaría Xeral de Política Lingüística entre o 13 de febreiro e o 3 de marzo mentres que os cursos se impartirán do 20 do marzo ao 11 de maio

A Consellería de Cultura tamén ofrece cursos Celga de autoaprendizaxe nos catro niveis aos que a cidadanía pode acceder libremente sen límite de prazas nin prazos de impartición no Portal da Lingua Galega 

+ info

Lingua de namorar 2023

Lingua de namorar é un concurso en liña de mensaxes de amor en lingua galega dirixido a todos os mozos e as mozas de 14 a 35 anos.

Tes a información sobre os premios, o concurso de Instagram e demais na ligazón adxunta. Anímate!!

Lingua de namorar

CONCURSO DE DISFRACES DO CIFP A FARIXA

O vindeiro venres, 17 de febreiro, celébrase o concurso de disfraces do CIFP A Farixa. Será no patio do instituto de 12:30 a 13:30. A persoa gañadora recibirá un vale de 50 euros para cambiar por material escolar (informático, de libraría e papelaría, deportivo...). Máis información nas bases.

CONVOCATORIA 2023 DE PREMIOS A PROXECTOS DE FIN DE CICLO REDACTADOS E DEFENDIDOS EN GALEGO.

O Equipo de Dinamización da Lingua Galega do CIFP A Farixa convoca os Premios a Proxectos de fin de ciclo redactados e defendidos en galego, co obxectivo de contribuír á normalización da lingua galega no ámbito académico.

Poderá acceder automaticamente a estes premios todo o alumnado matriculado no CIFP A Farixa no curso 2022/2023 cuxos proxectos cumpran as bases.
Premiarase ata un máximo dun proxecto por cada ciclo superior presente no centro:

• Automatización e Robótica Industrial.
• Sistemas de Telecomunicacións e Informáticos. 
• Eficiencia Enerxética e Enerxía Solar Térmica. 
• Proxectos de Edificación.
• Axencias de Viaxes e Xestión de Eventos.
• Guía, Información e Asistencia Turística. 
• Produción de Audiovisuais e Espectáculos.
• Acondicionamento físico.
• Termalismo e Benestar.

Cada premio consistirá nun vale regalo de cincuenta euros (50,00 €) para material informático e/ou de oficina.
As bases completas descríbense no seguinte documento: BASES